తిరుమల బ్రహ్మోత్సవాలకు ఎస్వీ గోశాల ఏర్పాట్లు.. సేవల కోసం జంతువుల మోహరింపు
బ్రహ్మోత్సవాల కోసం ఎస్వీ డెయిరీ ఫామ్/గోశాల తరఫున ఏర్పాట్లు చేసినట్లు టీటీడీ ఎస్వీ గోశాల డైరెక్టర్ డా. శివకుమార్ తెలిపారు.
తిరుమలలో గోసంరక్షణ, జంతు పరిరక్షణకు టీటీడీ ప్రత్యేక ప్రాధాన్యత ఇస్తోందని ఆయన పేర్కొన్నారు.
ప్రతిరోజూ వెంగమాంబ అన్నప్రసాద కేంద్రం, అన్నదానం కోసం 10 వేల నుంచి 15 వేల లీటర్ల పాలు, పెరుగు, నెయ్యి గోశాల ద్వారా సరఫరా చేస్తున్నారు.
గరుడ సేవ రోజున పాల డిమాండ్ 18 వేల నుంచి 19 వేల లీటర్లకు పెరిగే అవకాశం ఉండటంతో ప్రత్యేక ఏర్పాట్లు, సమన్వయం చేశారు.
ఉదయం, సాయంత్రం వాహన సేవల కోసం రెండు ఏనుగులు, రెండు గుర్రాలు, రెండు ఎద్దులను మోహరించారు.
ఏనుగుల సంరక్షణ, భక్తుల భద్రత దృష్ట్యా ఏనుగులతో ఆశీర్వాదాలు తీసుకోవడం నిషేధించారు.
బ్రహ్మోత్సవాల్లో ఏదైనా ఘటనలు లేదా అత్యవసర పరిస్థితులు ఎదురైతే చూసేందుకు కేరళ బృందం, తిరుపతి జూకు చెందిన డా. అరుణ్ అందుబాటులో ఉన్నారు.
