అమెరికా అధ్యక్ష ఎన్నికల పోరు: హోరాహోరీగా ముందస్తు పోలింగ్!

అమెరికా అధ్యక్ష ఎన్నికల సమరం రసవత్తరంగా మారింది. నవంబర్ 3న ప్రధాన పోలింగ్ జరగనుండగా, ముందస్తు ఓటింగ్‌కు ఓటర్లు భారీగా తరలివస్తున్నారు. దేశవ్యాప్తంగా ఇప్పటివరకు పోలైన ముందస్తు ఓట్ల సంఖ్య ఏకంగా 3,08,07,070కి చేరినట్లు ఎన్‌బీసీ గణాంకాలు వెల్లడిస్తున్నాయి. వీటిలో ప్రత్యక్షంగా కేంద్రాలకు వచ్చి వేసిన ఓట్లు 1.57 కోట్లు ఉండగా, మెయిల్ బ్యాలెట్లు 1.51 కోట్లు నమోదయ్యాయి. ఓటింగ్ సరళిలో డెమొక్రాట్లు 47 శాతంతో ముందంజలో ఉండగా, రిపబ్లికన్లు 35 శాతానికి పరిమితమయ్యారు.