రాప్తాడు బాధితురాలి ఆరోగ్యం మెరుగుపడింది, వెంటిలేటర్ తొలగించినట్లు మంత్రి లోకేశ్ వెల్లడి

అమరావతి: రాప్తాడులో ఉన్మాది దాడిలో తీవ్రంగా గాయపడిన విద్యార్థిని ఆరోగ్య పరిస్థితిపై ఏపీ విద్య, ఐటీ శాఖల మంత్రి నారా లోకేశ్‌ కీలక అప్‌డేట్‌ ఇచ్చారు. బాలిక కోలుకుంటోందని, ప్రస్తుతం వైద్యులు వెంటిలేటర్‌ని కూడా తొలగించారని చెప్పడానికి తానెంతో సంతోషిస్తున్నట్లు తెలిపారు. ఈ మేరకు ‘ఎక్స్‌’ వేదికగా పోస్టు పెట్టారు. ‘‘బాలిక మెలకువగానే ఉంది. స్పందిస్తోంది.

♦️తన స్కూల్‌ టీచర్‌ గురించి కూడా అడుగుతోంది. ఆమె ధైర్యానికి, వైద్యులు అందిస్తోన్న అద్భుతమైన చికిత్సకు ఇది గొప్ప నిదర్శనం. బాలిక త్వరగా కోలుకోవాలని ప్రార్థిస్తున్నాను’’ అని లోకేశ్ పేర్కొన్నారు.