కూటమి సర్కార్‌పై మాజీ ఎమ్మెల్యే భూమన కరుణాకర్ రెడ్డి ఫైర్

అమరావతిలో కూటమి ప్రభుత్వంపై మాజీ ఎమ్మెల్యే భూమన కరుణాకర్ రెడ్డి తీవ్రస్థాయిలో విరుచుకుపడ్డారు.

కూటమి ప్రభుత్వంలో లీడర్లే కాకుండా అధికారులను కూడా రౌడీలుగా తయారు చేశారని మండిపడ్డారు.

IAS వికాస్ మర్మత్ బెంగుళూరు పబ్‌లో తాగి తందనాలు ఆడి పోలీసులపై దాడి చేశారని ఆరోపించారు.

కేంద్ర ప్రభుత్వ అధికారి బజారు స్థాయి రౌడీగా మారడం చంద్రబాబు ప్రభుత్వంలోనే చూస్తున్నామని ధ్వజమెత్తారు.

కుప్పంలో దోపిడీ చేసి కొల్లగొట్టిన అవినీతి సొమ్మును లోకేష్‌కు, CMOకు, ప్రభుత్వ పెద్దలకు IAS వికాస్ మర్మత్ అందిస్తున్నారని ఆరోపించారు.

IAS అధికారి బరితెగింపు వెనుక చంద్రబాబు అలసత్వమే కారణమని, అవినీతి అధికారులను ఆయన వెనకేసుకొస్తున్నారని విమర్శించారు.

ఈ వ్యవహారంలో కేసు పెట్టకుండా కర్ణాటక పోలీసులపై సీఎం చంద్రబాబు ఒత్తిడి తెచ్చారని భూమన కరుణాకర్ రెడ్డి ఆరోపించారు.