తెలంగాణలో ఏసీబీ ట్రాప్‌లు.. లంచం కేసుల్లో ముగ్గురు పట్టుబడ్డారు

నాగర్‌కర్నూల్, సిద్దిపేట జిల్లాల్లో ఏసీబీ దాడులు.. లంచం కేసుల్లో ముగ్గురు పట్టుబడ్డారు..

నాగర్‌కర్నూల్ జిల్లా అచ్చంపేట సబ్‌ డివిజనల్ ట్రెజరీ కార్యాలయంలో సీనియర్ అకౌంటెంట్‌గా పనిచేస్తున్న కందాడ వెంకటయ్య రూ.25,000 లంచం డిమాండ్ చేసి తీసుకుంటూ చిక్కారు..

వెంకటయ్యను మహబూబ్‌నగర్ రేంజ్ ఏసీబీ అధికారులు పట్టుకున్నారు..

సిద్దిపేట జిల్లా నారాయణరావుపేట మండలం జక్కాపూర్ గ్రామ పంచాయతీ కార్యదర్శి బి. అరుణ, కాంట్రాక్ట్ కారోబార్ దాసరి సంతోష్ రూ.15,000 లంచం కేసులో దొరికిపోయారు..

అరుణ లంచం డిమాండ్ చేసి, ఆ మొత్తాన్ని సంతోష్‌కు ఇవ్వాలని ఫిర్యాదుదారుడికి సూచించారు.. సంతోష్ ద్వారా డబ్బు తీసుకుంటుండగా మెదక్ రేంజ్ ఏసీబీ ట్రాప్ చేసింది..

ప్రభుత్వ పనికి లంచం అడిగితే ఏసీబీ టోల్‌ఫ్రీ నంబర్ 1064కు ఫిర్యాదు చేయాలని అధికారులు సూచించారు.