రూ.75 వేలు లంచం.. ఏసీబీకి చిక్కిన అధికారులు

మొయినాబాద్ మున్సిపాలిటీ టౌన్ ప్లానింగ్ ఆఫీసర్ గుండు వాణిని సెప్టెంబర్ 30న ఏసీబీ అధికారులు పట్టుకున్నారు.

సీనియర్ అసిస్టెంట్ ఎలమోని సుదర్శన్ ద్వారా రూ.75,000 లంచం తీసుకుంటుండగా రెడ్‌హ్యాండెడ్‌గా దొరికిపోయారు.

బాధితుడి నిర్మాణాన్ని అక్రమ కట్టడంగా పేర్కొంటూ చర్యలు తీసుకోకుండా ఉండేందుకు ఈ లంచం డిమాండ్ చేశారు.

వాణి సూచనతో సుదర్శన్ వద్ద నుంచి రూ.75,000 నగదును ఏసీబీ అధికారులు స్వాధీనం చేసుకున్నారు.

గతంలో పంచాయతీ కార్యదర్శిగా పనిచేసిన సుదర్శన్, ప్రస్తుతం మున్సిపాలిటీలో డిప్యుటేషన్‌పై సీనియర్ అసిస్టెంట్‌గా పనిచేస్తున్నారు.

ఇద్దరు అధికారులను నాంపల్లిలోని స్పెషల్ పోలీస్ ఎస్టాబ్లిష్‌మెంట్ అండ్ ఏసీబీ కేసుల ఫస్ట్ అడిషనల్ స్పెషల్ జడ్జి ఎదుట రిమాండ్ కోసం హాజరుపరిచారు.

కేసుపై దర్యాప్తు కొనసాగుతోందని ఏసీబీ తెలిపింది.

లంచం డిమాండ్ చేస్తే టోల్ ఫ్రీ 1064, వాట్సాప్ 9440446106 నంబర్లలో ఫిర్యాదు చేయాలని సూచించింది.