పొలంలో మొసలి.. భయాందోళనకు గురైన రైతులు, గ్రామస్తులు

మెదక్ జిల్లా పాపన్నపేట మండలం ఎంకేపల్లి గ్రామ శివారులోని వ్యవసాయ పొలంలో మొసలి కనిపించడం కలకలం రేపింది.

పొలంలో పనిచేస్తున్న రైతులు మొసలిని గుర్తించి అటవీశాఖ అధికారులకు సమాచారం అందించారు. వెంటనే సంగారెడ్డి నుంచి రెస్క్యూ టీమ్ ఘటనాస్థలికి చేరుకుని మొసలిని పట్టుకుని సురక్షిత ప్రాంతానికి తరలించింది.

వర్షాల నేపథ్యంలో నీటి వనరుల నుంచి మొసళ్లు వ్యవసాయ భూముల వైపు వచ్చే అవకాశం ఉండటంతో పొలాల్లో పనిచేసే రైతులు అప్రమత్తంగా ఉండాలని అటవీశాఖ అధికారులు సూచించారు.