₹80 వేల క్యాన్సర్ మందు ఇక ₹7 వేలు.. కొన్ని ఔషధాల ధరలు 90%కుపైగా తగ్గింపు!
క్యాన్సర్ చికిత్స ఖర్చులతో ఇబ్బంది పడుతున్న కుటుంబాలకు భారీ ఊరట. కేంద్ర ప్రభుత్వ పరిధిలోని National Pharmaceutical Pricing Authority (NPPA) 137 నాన్-షెడ్యూల్డ్ క్యాన్సర్ మందులపై ట్రేడ్ మార్జిన్‌ను 30%కి పరిమితం చేసింది. అధిక డిస్ట్రిబ్యూషన్, హాస్పిటల్, రిటైల్ మార్జిన్లను తగ్గించడం ద్వారా చికిత్సను అందుబాటులోకి తీసుకురావడమే ఈ నిర్ణయ లక్ష్యం.
దీంతో 543 క్యాన్సర్ మందుల బ్రాండ్లు, ప్యాక్ సైజుల ధరలు భారీగా తగ్గాయి. Thiotepa (SAMTEPA) ధర ₹80,072 నుండి ₹7,150కి, Pertuzumab (HERTUMAB) ధర ₹94,951 నుండి ₹30,593కి, Bevacizumab (IVZUMAB) ధర ₹69,852 నుండి ₹13,512కి, Bevacizumab (BEVACIZAB) ధర ₹65,205 నుండి ₹8,957కి, Palbociclib (PALBOPRO) ధర ₹40,421 నుండి ₹2,720కి దిగివచ్చాయి.
Olaparib ధర ₹46,364 నుండి ₹11,574కి, Abiraterone ధర ₹36,089 నుండి ₹4,064కి తగ్గింది. కొత్త ధరలు నవంబర్ 9 నుండి అమల్లోకి వస్తాయి.
అయితే Keytruda వంటి కొన్ని ఖరీదైన పేటెంట్ పొందిన క్యాన్సర్ మందుల ధరల్లో ఎలాంటి మార్పు లేదు. ప్రతి prescriptionలో brand, dosage, pack sizeను బట్టి benefit మారుతుంది.
