‘రూ.40 కోట్లు విలువనా.. నా ప్రాణం విలువనా?’ ప్రభుత్వాన్ని నిలదీసిన అనిరుధ్ రెడ్డి

జడ్చర్ల నియోజకవర్గంలో రోడ్ల నిర్మాణానికి సంబంధించిన నిధులు, బిల్లుల విడుదలపై కాంగ్రెస్ ఎమ్మెల్యే అనిరుధ్ రెడ్డి తీవ్ర అసంతృప్తి వ్యక్తం చేశారు.

“నేను చనిపోతా అంటేనే బిల్లులు వస్తాయంటే.. చావడానికి అయినా సిద్ధం. నా చావుకి రూ.40 కోట్లు విలువనా? లేక నేను బతికి ఉండాలా అనేది ప్రభుత్వం నిర్ణయించాలి” అంటూ ఆయన సంచలన వ్యాఖ్యలు చేశారు.

తన నియోజకవర్గంలో రోడ్ల పనులు పూర్తి చేయకపోతే 30 వేల మందితో కలిసి ఆమరణ నిరాహార దీక్షకు దిగుతానని హెచ్చరించారు.

డిప్యూటీ సీఎం భట్టి విక్రమార్క, మంత్రి కోమటిరెడ్డి వెంకట్ రెడ్డి రోడ్ల నిర్మాణానికి బిల్లులు మంజూరు చేస్తామని హామీ ఇచ్చారని గుర్తుచేసిన అనిరుధ్ రెడ్డి.. “నా చావుతోనే ప్రభుత్వం స్పందిస్తుందా?” అంటూ ప్రశ్నించారు.