కొండాపూర్‌లో MDMA కలకలం.. ఫొటోగ్రాఫర్ అరెస్ట్, ఇద్దరు పరారీ
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
హైదరాబాద్‌లో మరో MDMA డ్రగ్ కేసు వెలుగులోకి వచ్చింది. కొండాపూర్ పరిధిలోని ఖాజాగూడ–నానక్‌రామ్‌గూడ సర్వీస్ రోడ్ సమీపంలో డ్రగ్స్ విక్రయానికి సిద్ధమవుతున్నాడనే ఆరోపణలపై ఆకుల సాయిరామ్‌ను తెలంగాణ ఎక్సైజ్ STF అదుపులోకి తీసుకుంది.
నిందితుడి నుంచి 4.45 గ్రాముల MDMA, Volkswagen Polo కారు, డిజిటల్ వెయింగ్ స్కేల్, రెండు ఖరీదైన మొబైల్ ఫోన్లు స్వాధీనం చేసుకున్నట్లు అధికారులు తెలిపారు.
మణికొండలో నివసిస్తూ ప్రొఫెషనల్ ఫొటోగ్రాఫర్, వీడియోగ్రాఫర్‌గా పనిచేస్తున్న సాయిరామ్, MDMAను రూ.25 వేలకే కొనుగోలు చేసి గ్రాముకు రూ.10 వేల చొప్పున విక్రయించేందుకు ప్రయత్నించినట్లు అధికారులు ఆరోపిస్తున్నారు.
ఈ కేసులో సహ నిందితులుగా ఉన్న రామిరెడ్డి మహేష్ రెడ్డి, తాండ్ర హరిశ్చంద్ర పరారీలో ఉన్నట్లు సమాచారం. ముగ్గురూ రాజమండ్రికి చెందినవారని అధికారులు పేర్కొన్నారు.
