అమరావతిలో ఉద్యోగులకు ఉచిత వసతి మరో ఏడాది పొడిగింపు

అమరావతిలో ప్రభుత్వ ఉద్యోగులకు ఉచిత వసతిని మరో ఏడాది పొడిగిస్తూ ప్రభుత్వం ఉత్తర్వులు జారీ చేసింది.

సచివాలయం, అసెంబ్లీ, హెచ్‌ఓడీలు, హైకోర్టు, రాజ్‌భవన్ ఉద్యోగులతో పాటు అవుట్‌సోర్సింగ్ సిబ్బందికీ ఈ ఉచిత ట్రాన్సిట్ వసతి వర్తిస్తుంది.

గుంటూరు, కృష్ణా జిల్లాల్లోని అద్దె భవనాల్లో ఉద్యోగులకు ఈ సౌకర్యం కల్పిస్తున్నారు.

2026 జూన్ 27 నుంచి ఏడాది పాటు లేదా సీఆర్‌డీఏ ప్రభుత్వ క్వార్టర్లు అందించే వరకు మాత్రమే ఈ వసతి ఉంటుంది.

ప్రభుత్వ క్వార్టర్లు అందుబాటులోకి వస్తే అంతకంటే ముందే ఉచిత వసతి ముగియనుంది.

ఖాళీ చేసే ఫ్లాట్లకు 2026 అక్టోబర్ 31 వరకు లేదా ఖాళీ చేసే తేదీ వరకు యజమానులకు అద్దె చెల్లిస్తారు.

ఈ మేరకు సాధారణ పరిపాలన శాఖ G.O.Rt.No.2008 ఉత్తర్వులను జారీ చేసింది.