రోడ్డుపై డ్రైవర్ పిచ్చి విన్యాసాలు.. సైకిల్లా డీసీఎం కట్స్!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్లోడ్ చేసి, ఎక్కడైనా షేర్ చేయండి
జహీరాబాద్లో జాతీయ రహదారిపై హల్చల్.. భయాందోళనకు గురైన వాహనదారులు
రోడ్డుపై వాహనాన్ని నడపాల్సింది పోయి.. ఇతరుల ప్రాణాలతో చెలగాటమాడాడు ఓ ఐచర్ డీసీఎం డ్రైవర్. వాహనాన్ని అటూ ఇటూ తిప్పుతూ, సైకిల్ నడిపినట్లు ప్రమాదకరంగా కట్స్ కొడుతూ తోటి వాహనదారులను తీవ్ర భయాందోళనకు గురిచేశాడు.
సంగారెడ్డి జిల్లా జహీరాబాద్లోని 65వ జాతీయ రహదారిపై ఈ ఘటన చోటుచేసుకుంది. సుమారు రెండు నుంచి మూడు కిలోమీటర్ల మేర డ్రైవర్ ర్యాష్ డ్రైవింగ్తో హల్చల్ చేసినట్లు సమాచారం.
డ్రైవర్ నిర్లక్ష్యపు డ్రైవింగ్తో ప్రమాదం జరిగే పరిస్థితి నెలకొనడంతో అప్రమత్తమైన ఇతర వాహనదారులు అతడిని అడ్డుకుని పోలీసులకు అప్పగించారు.
రోడ్డు మీద ఇలాంటి నిర్లక్ష్యపు విన్యాసాలు సరదా కాదు.. ఇతరుల ప్రాణాలకు ముప్పు!





