కేసీఆర్ ఫామ్‌హౌస్‌ నీటి మళ్లింపుపై దర్యాప్తు జరగాలి!
సిద్దిపేట జిల్లాలో తెలంగాణ రక్షణ సేన (టీఆర్ఎస్) అధ్యక్షురాలు కవిత పర్యటించి గులాబీ నేతలపై సంచలన వ్యాఖ్యలు చేశారు.
కేసీఆర్ ఫామ్‌హౌస్‌కు నీటిని మళ్లించారని, అక్కడికి కెనాల్ ఉందో లేదో బీఆర్ఎస్ నేతలు స్పష్టం చేయాలని ఆమె డిమాండ్ చేశారు.
గత బీఆర్ఎస్ ప్రభుత్వ అవినీతితో తనకు ఎలాంటి సంబంధం లేదని ఆమె కుండబద్దలు కొట్టారు.
వెంకటేశ్వర స్వామి గుడికి చెందిన 5 ఎకరాల స్థలాన్ని హరీశ్ రావు, ఆయన అనుచరులు ఆక్రమించారని తీవ్ర ఆరోపణలు చేశారు.
తన అఫిడవిట్‌లో చూపిన ఆస్తుల కంటే ఒక్క రూపాయి ఎక్కువ ఉన్నా ప్రజలకు రాసిచ్చేందుకు తాను సిద్ధంగా ఉన్నట్లు సవాల్ విసిరారు.
రాబోయే మున్సిపల్ ఎన్నికల్లో సిద్దిపేటలో టీఆర్ఎస్ జెండా ఎగురవేస్తామని, హరీశ్ రావును ఓడించి తీరుతామని ధీమా వ్యక్తం చేశారు.
ఈ నెల 19న సీఎం రేవంత్ రెడ్డి సిద్దిపేట పర్యటనకు వస్తున్నారని, హరీశ్ రావుపై చర్యలు తీసుకునేదాకా వదిలిపెట్టబోమని స్పష్టం చేశారు.
