💧🌾 మోటార్ లేదు.. కరెంట్ లేదు.. అయినా బోర్ల నుంచి ఆగని జలధారలు! భూపాలపల్లిలో ప్రకృతి వింత

జయశంకర్ భూపాలపల్లి జిల్లా మహాదేవపూర్ మండలం పూసుకుపల్లి శివారులో మూడు బోర్ల నుంచి మోటార్ లేకుండానే నీరు నిరంతరాయంగా ఉబికి వస్తోంది.

గత వర్షాకాలంలో రైతులు వేసిన ఈ బోర్ల నుంచి అప్పటి నుంచి ఏడాది పొడవునా నీటి ప్రవాహం కొనసాగుతున్నట్లు స్థానికులు చెబుతున్నారు.

చుట్టుపక్కల ప్రాంతాల్లో వర్షాభావంతో బోర్లు ఎండిపోతున్న వేళ.. ఇక్కడ మాత్రం విద్యుత్ ఖర్చు లేకుండానే వస్తున్న నీరు పంటలకు జీవనాధారంగా మారింది.

భూగర్భ జలాల ఒత్తిడి, స్థానిక భౌగోళిక పరిస్థితుల వల్ల ఇలా జరుగుతుండవచ్చని భావిస్తుండగా.. భూగర్భ జలశాఖ అధికారులు దీనిపై పరిశీలన చేపట్టినట్లు సమాచారం.