🚨 దీపావళి రాకెట్ హైరిస్‌లోకి?.. ఘాట్‌కోపర్ అపార్ట్‌మెంట్‌లో భారీ అగ్నిప్రమాదం

ముంబై ఘాట్‌కోపర్ ఈస్ట్‌లోని పంత్‌నగర్ ప్రాంతంలో ఉన్న హైరిస్ అపార్ట్‌మెంట్‌లో శుక్రవారం రాత్రి భారీ అగ్నిప్రమాదం చోటుచేసుకుంది. మంటలు పై అంతస్తులో చెలరేగడంతో నివాసితులు భయాందోళనకు గురయ్యారు.

దీపావళి సందర్భంగా కాల్చిన రాకెట్ క్రాకర్ కారణంగా మంటలు చెలరేగి ఉండొచ్చని అధికారులు అనుమానిస్తున్నారు. అయితే ప్రమాదానికి అసలు కారణం ఇంకా అధికారికంగా నిర్ధారణ కాలేదు.

ఈ ఘటనలో ముగ్గురు గాయపడగా, వారిని ఆస్పత్రులకు తరలించారు. ఫైర్ సిబ్బంది భారీగా మోహరించి రెండు గంటలకు పైగా శ్రమించి మంటలను అదుపులోకి తీసుకొచ్చారు. భవనంలోని నివాసితులను ముందు జాగ్రత్తగా ఖాళీ చేయించారు.