అసైన్డ్ భూముల ఫ్రీహోల్డ్ దరఖాస్తుల పరిష్కారానికి గడువు ఖరారు చేసిన ప్రభుత్వం
అమరావతి: రాష్ట్రంలో అసైన్డ్ భూములు, చుక్కల భూములు, గ్రామ సేవా ఇనాం భూములు, షరతులతో కూడిన పట్టా భూములపై ప్రభుత్వం కీలక ఉత్తర్వులు
భూములకు ఫ్రీహోల్డ్ హక్కుల కల్పనకు సంబంధించిన దరఖాస్తుల పరిష్కారానికి గడువులు ఖరారు చేస్తూ జీఓ 659 జారీ
ఆర్డీవో పరిధిలోని దరఖాస్తులను 60 రోజుల్లో పరిష్కరించాలని ప్రభుత్వం ఆదేశం
జీఓ 588కు సవరణలు చేస్తూ దరఖాస్తుల పరిష్కారానికి కొత్త కాలపరిమితులు
నిర్దిష్ట కేటగిరీ దరఖాస్తులను 30 రోజుల్లో పరిష్కరించాలని స్పష్టీకరణ
తహసీల్దార్ స్థాయిలో దరఖాస్తుల పరిష్కారానికి 60 రోజుల గడువు, అనంతరం ఆర్డీవోకు మరో 30 రోజుల గడువు
ఆన్‌లైన్‌లో దరఖాస్తు చేసిన రోజే సంబంధిత తహసీల్దార్ లాగిన్‌కు చేరేలా మార్పులు
ఫ్రీహోల్డ్‌గా మారిన భూములు వెబ్‌ల్యాండ్‌లో ఫ్రీహోల్డ్‌గా నమోదైతే రిజిస్ట్రేషన్‌కు అనుమతి
సెక్షన్ 22-A నిషేధిత జాబితా నుంచి భూమిని తొలగిస్తూ ప్రత్యేక ఉత్తర్వుల కోసం ఎదురుచూడాల్సిన అవసరం లేదు
ఫ్రీహోల్డ్ ప్రొసీడింగ్స్ లేదా డిలీషన్ ఆర్డర్ సమర్పించాల్సిన అవసరం లేదు
రిజిస్ట్రేషన్ సమయంలో వెబ్‌ల్యాండ్ వివరాలను రికార్డుల్లో భద్రపరచాలని రిజిస్ట్రేషన్ అధికారులకు ఆదేశం
ఉత్తర్వుల అమలుకు వెబ్‌ల్యాండ్‌లో అవసరమైన మార్పులు చేయాలని సీసీఎల్ఏకు ఆదేశాలు
