గుంటూరులో కలకలం.. తల్లి పక్కన నిద్రిస్తున్న 2 నెలల పసికందు అపహరణ.

గుంటూరు లాలాపేట పోలీస్ స్టేషన్ పరిధిలో రెండు నెలల పసికందు అపహరణ ఘటన కలకలం రేపింది.

ఏటుకూరు రోడ్డులో పాత సామాన్లు సేకరించే దుకాణం ముందు నిద్రిస్తున్న తల్లి పక్కనే ఉన్న పసికందును దుండగులు ఎత్తుకెళ్లినట్లు బాధిత కుటుంబం పోలీసులకు ఫిర్యాదు చేసింది.

ద్విచక్ర వాహనంపై వచ్చిన ముగ్గురు యువకులే అపహరణకు పాల్పడ్డారని అనుమానం. ఘటనకు ముందు యువకులకు, బాధిత కుటుంబానికి మధ్య గొడవ జరిగినట్లు కూడా సమాచారం.

పసికందు కోసం లాలాపేట పోలీసులు గాలింపు చేపట్టారు.