దూల్‌పేట్‌లో ₹3.5 లక్షల గంజాయి పట్టివేత.. ఎలక్ట్రిక్ స్కూటీపై తరలిస్తుండగా ఇద్దరు అరెస్ట్
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
హైదరాబాద్ దూల్‌పేట్‌లో 6.2 కిలోల గంజాయిని ఎక్సైజ్ అధికారులు స్వాధీనం చేసుకుని ఇద్దరిని అరెస్ట్ చేశారు. పట్టుబడిన గంజాయి విలువ సుమారు ₹3.5 లక్షలు ఉంటుందని అధికారులు తెలిపారు.
ఒడిశా నుంచి గంజాయిని తీసుకొచ్చి దూల్‌పేట్‌లో విక్రయించేందుకు సురేష్ సింగ్ అలియాస్ టింకు సింగ్, ప్రమోద్ మోరే ఎలక్ట్రిక్ స్కూటీపై తరలిస్తుండగా, దూల్‌పేట్ ఎక్సైజ్ బృందం వారిని పట్టుకుంది.
నిందితుల వద్ద నుంచి 6.2 కిలోల గంజాయి, ₹10 వేల నగదు, మూడు మొబైల్ ఫోన్లు, ఒక ఎలక్ట్రిక్ స్కూటీ స్వాధీనం చేసుకున్నారు.
జియాగూడ శివాలయం టెంపుల్ ప్రాంతంలో ఈ పట్టివేత జరిగినట్లు ఎక్సైజ్ అధికారులు తెలిపారు.
