ఇచ్చాపురం వద్ద జాతీయ రహదారిపై ప్రవహిస్తున్న వరద నీరు.. నిలిచిపోయిన రవాణా

ఇచ్చాపురం వద్ద వరద నీరు N.H 16 పై నుండి ప్రవహిస్తుండటంతో ఆంధ్రా ఒరిస్సా మధ్య రవాణా స్తంభించింది.

శ్రీకాకుళం జిల్లా వ్యాప్తంగా జాతీయ రహదారిపై అంతర్రాష్ట్ర గూడ్స్ వాహనాలను పోలీసులు నిలిపివేశారు.

పలాస మండలం లక్ష్మీపురం టోల్ ప్లాజా వద్ద 10 కి.మీ. మేర వాహనాలు నిలిచిపోయాయి.

ఒరిస్సా, వెస్ట్ బెంగాల్, బంగ్లాదేశ్ వెళ్లే వాహనాలు, సిబ్బంది నిన్నటి నుంచి పడిగాపులు కాస్తున్నారు.

పాలు, వంట గ్యాస్, కూరగాయలు, చేపలు, కోళ్లు, ఐస్ క్రీమ్ వంటి సరుకులు పాడవుతున్నాయని సిబ్బంది ఆవేదన వ్యక్తం చేస్తున్నారు.

లక్ష్మీపురం టోల్ ప్లాజా వద్ద తాగునీరు, ఆహారం అందడం లేదని సిబ్బంది ఆగ్రహం వ్యక్తం చేస్తున్నారు.

నిత్యావసర సరుకులు పాడవుతుండటంతో వాహన సిబ్బంది ఆందోళన.