జియో ప్లాట్‌ఫామ్స్ షేర్లలో భారీ అక్యుములేషన్.. మార్కెట్లో ఆసక్తి
జియో ప్లాట్‌ఫామ్స్ (JPL) షేర్లలో ఊహించని స్థాయిలో కదలిక కనిపించింది. ఉదయం నుంచి ఈ కంపెనీకి చెందిన షేర్లు అత్యధికంగా చేతులు మారాయి. భారీ స్థాయిలో ట్రేడింగ్ నమోదు కావడం మార్కెట్ వర్గాల్లో ఆసక్తి రేపుతోంది.
ఉదయం నుంచి ఏకంగా 18 కోట్ల జియో ప్లాట్‌ఫామ్స్ షేర్లలో ట్రేడింగ్ జరిగింది. ఇందులో అత్యధికంగా 81 శాతం షేర్లు డెలివరీకి మార్క్ అయ్యాయి. అంటే సుమారు 14.5 కోట్ల షేర్లను కొనుగోలుదారులు డెలివరీ కింద తీసుకున్నారు.
సాధారణంగా డెలివరీ వాల్యూమ్స్ ఈ స్థాయిలో ఉండటం అరుదు. ఒకేసారి 14.5 కోట్ల షేర్లను డెలివరీ తీసుకోవడం వెనుక ఏదో ఒక భారీ ఫండ్ సంస్థ వ్యూహం ఉన్నట్లు స్పష్టమవుతోంది. ఆ ఫండ్ సంస్థే పెద్ద ఎత్తున జియో ప్లాట్‌ఫామ్స్ షేర్లను పోగుచేసుకుంటోంది.
భారీ ఎత్తున షేర్ల అక్యుములేషన్ జరగడంతో ఈ పరిణామం చర్చనీయాంశమైంది. ఒకేసారి ఇంత పెద్ద మొత్తంలో డెలివరీ నమోదు కావడంతో అందరి దృష్టి ఈ స్టాక్‌పై పడింది.
