పొలంలో గంజాయి సాగు.. 65 మొక్కలు స్వాధీనం, ఇద్దరు అరెస్ట్

సంగారెడ్డి జిల్లాలో అక్రమ గంజాయి సాగుపై పోలీసులు దాడులు నిర్వహించారు. సదాశివపేట మండలం కొనాపూర్ గ్రామంలోని ప్రైవేట్ పట్టా భూమిలో 55 గంజాయి మొక్కలను గుర్తించి స్వాధీనం చేసుకున్నారు.

మరో దాడిలో అంకెన్‌పల్లి గ్రామంలోని ఓ ఇంటి వద్ద 10 గంజాయి మొక్కలతో పాటు 150 గ్రాముల ఎండు గంజాయిని పట్టుకున్నారు.

రెండు ఘటనల్లో కలిపి 65 గంజాయి మొక్కలు, 150 గ్రాముల ఎండు గంజాయి స్వాధీనం చేసుకున్న పోలీసులు ఇద్దరు నిందితులను అరెస్ట్ చేశారు. రెండు కేసులు నమోదు చేసి వారిని జ్యుడీషియల్ రిమాండ్‌కు తరలించారు.