తల్లి కళ్లముందే లోయలో పడిన గున్న ఏనుగు.. కాపాడేందుకు చివరి వరకూ పోరాడిన తల్లి

వయనాడ్‌లో హృదయాన్ని కలిచివేసే ఘటన చోటుచేసుకుంది. తల్లి ఏనుగుతో కలిసి వెళ్తున్న గున్న ఏనుగు ప్రమాదవశాత్తు దాదాపు 100 అడుగుల లోయలో పడిపోయింది.

పిల్లను కాపాడేందుకు తల్లి ఏనుగు అక్కడి నుంచి కదల్లేదు. లోయ అంచున తిరుగుతూ, కిందకు చూస్తూ, తన పిల్లను చేరుకునేందుకు చేసిన ప్రయత్నాలు అక్కడున్న వారిని కంటతడి పెట్టించాయి.

కానీ ఆ తల్లి పోరాటం ఫలించలేదు. తీవ్ర గాయాలతో గున్న ఏనుగు మృతి చెందింది.

పిల్లను కోల్పోయిన తల్లి ఏనుగు అక్కడే నిలబడి ఉండిపోయిన దృశ్యాలు ఇప్పుడు సోషల్ మీడియాలో వైరల్ అవుతూ నెటిజన్లను భావోద్వేగానికి గురిచేస్తున్నాయి.