అమెరికాలో పెరిగిన రుణ భారం, ఈఎంఐలు చెల్లించలేక ఇబ్బందుల్లో 20 శాతం కుటుంబాలు
అమెరికాలో రుణ భారం మోస్తున్న కుటుంబాల పరిస్థితులపై ఫెడరల్ రిజర్వ్ '2025 సర్వే ఆఫ్ కన్స్యూమర్ ఫైనాన్సెస్' పేరుతో తాజా నివేదిక విడుదల చేసింది.
గత మూడేళ్ల వ్యవధిలో దాదాపు 20 శాతం అమెరికన్ కుటుంబాలు తమ లోన్ల ఈఎంఐలను సకాలంలో చెల్లించలేకపోయాయి.
2022లో ఈ ఎగవేతల శాతం 12 శాతంగా ఉండగా.. మూడేళ్లలోనే ఏకంగా 20 శాతానికి పెరగడం ఆందోళన కలిగిస్తోంది.
ఆదాయంలో 40 శాతానికి పైగా అప్పులకే చెల్లిస్తున్న కుటుంబాల సంఖ్య 6.5 శాతం నుంచి 8.6 శాతానికి పెరిగింది.
2010 ఆర్థిక మాంద్యం తర్వాత అమెరికాలో ఈ స్థాయి రుణ ఎగవేతలు నమోదు కావడం ఇదే తొలిసారి.
దేశంలో సగటు ఆదాయం పెరిగినప్పటికీ, కరోనా సమయంలో కూడబెట్టుకున్న పొదుపు కరిగిపోవడమే ఈ సంక్షోభానికి ప్రధాన కారణమని నివేదిక చెబుతోంది.
ముఖ్యంగా అల్పాదాయ వర్గాల సంపద సగానికి పైగా పడిపోయిందని, అత్యవసర ఖర్చులకు సైతం వారి వద్ద డబ్బులేని పరిస్థితి నెలకొందని విశ్లేషకులు భావిస్తున్నారు.
