రూ.3296 కోట్ల రోడ్ల టెండర్లలో భారీ స్కామ్.. సీఎం రేవంత్‌ రెడ్డిపై కేటీఆర్ ఆగ్రహం

బుద్వేల్ నుంచి కొడంగల్ వరకు రేడియల్ రోడ్ల నిర్మాణ టెండర్లలో భారీ కుంభకోణం జరిగిందని బీఆర్ఎస్ వర్కింగ్ ప్రెసిడెంట్ కేటీఆర్ బాంబు పేల్చారు..

రూ.3296 కోట్ల విలువైన టెండర్లతో రాష్ట్ర ఖజానాకు ఏకంగా రూ.600 కోట్ల నష్టం వాటిల్లిందని ఆరోపించారు..

కేవలం 6 రోజుల వ్యవధిలోనే ఆగమేఘాల మీద టెండర్లు కట్టబెట్టారని మండిపడ్డారు..

అతి తక్కువ ధర కోట్ చేసిన సంస్థను పక్కనపెట్టి, ఎక్కువ కోట్ చేసిన వివరాలను గోప్యంగా ఉంచారని నిలదీశారు..

ఒక్కో ప్యాకేజీకి ఒక్కో రకమైన నిబంధనలు పెట్టి లోపాయికారి ఒప్పందాలు చేసుకున్నారని విమర్శించారు..

అధికారులపై ఒత్తిడి తెచ్చిందెవరో తేలాలంటే సమగ్ర విచారణ జరిపి, వెంటనే టెండర్లను రద్దు చేయాలని డిమాండ్ చేశారు..

రేడియల్ రోడ్ల టెండర్ల రద్దుతో పాటు సమగ్ర విచారణకు కేటీఆర్ డిమాండ్