💧ప్రజలకు తాగునీటి కష్టాలు.. ఎంపీ అర్వింద్ ఇంటి క్లీనింగ్‌కు వందల లీటర్ల మంచినీళ్లా?

బంజారాహిల్స్‌లో ఎంపీ ధర్మపురి అర్వింద్‌కు చెందినదిగా పేర్కొంటున్న ఇంట్లో జలమండలి సరఫరా చేసే తాగునీటిని క్లీనింగ్‌కు వినియోగిస్తున్నారన్న ఆరోపణలు వెలువడ్డాయి.

ఇల్లు ఖాళీగా ఉన్నప్పటికీ, శుభ్రం చేసేందుకు వందల లీటర్ల మంచినీటిని వాడుతున్నారన్నది ఆరోపణ. తాగునీటిని పొదుపుగా వాడాలని ప్రజలకు సూచించే అధికారులు ఈ విషయాన్నీ పరిశీలించాలి.

ప్రజాప్రతినిధులు నీటి సంరక్షణలో ఆదర్శంగా నిలవాలి. ఈ ఆరోపణలపై ఎంపీ అర్వింద్ కార్యాలయం వివరణ ఇవ్వాలి. జలమండలి అధికారులు పరిశీలించి, నీటి వృథా నిర్ధారణైతే తగిన చర్యలు తీసుకోవాలి అని ప్రజలు కోరుతున్నారు.