🚨 మీ ఇంట్లో ఎవరెస్ట్ జీలకర్ర పొడి ఉందా? వాడే ముందు బ్యాచ్ నంబర్ చెక్ చేయండి!
⠀
ఎవరెస్ట్ ‘ప్రీ-ప్యాక్డ్ జీలకర్ర పొడి’లోని ఓ నిర్దిష్ట బ్యాచ్‌ను వెంటనే మార్కెట్ నుంచి వెనక్కి తీసుకోవాలని FSSAI ఆదేశించింది. పరీక్షించిన నమూనా వినియోగానికి సురక్షితం కాదని — “UNSAFE”గా నిర్ధారించింది.
🔎 రీకాల్‌కు గురైన బ్యాచ్ నంబర్: E080668761
గోవాలో సేకరించిన నమూనాలో అజాక్సీస్ట్రోబిన్ (Azoxystrobin), థయామెథాక్సామ్ (Thiamethoxam) పురుగుమందుల అవశేషాలు అనుమతించిన గరిష్ఠ పరిమితులను మించి ఉన్నట్లు గుర్తించారు. రిఫరల్ ఫుడ్ ల్యాబొరేటరీ పరీక్షలోనూ నమూనా “UNSAFE”గా నిర్ధారణ కావడంతో మొత్తం సంబంధిత బ్యాచ్‌ను రీకాల్ చేయాలని ఆదేశించారు.
⚠️ వినియోగదారులు ఏం చేయాలి?
👉 మీ ప్యాకెట్‌పై ముద్రించిన బ్యాచ్ నంబర్‌ను ఇప్పుడే పరిశీలించండి.
👉 E080668761 ఉంటే ఆ పొడిని వంటల్లో ఉపయోగించవద్దు.
కంపెనీ రీకాల్ రికార్డులు నిర్వహించడంతో పాటు, ఇలాంటి ఘటన పునరావృతం కాకుండా దిద్దుబాటు చర్యలు చేపట్టాలని FSSAI సూచించింది.
మీ కుటుంబంతోనూ ఈ సమాచారం పంచుకోండి. ఆందోళన కాదు.. సరైన బ్యాచ్‌ను గుర్తించి జాగ్రత్త పడటం ముఖ్యం!
ముఖ్య గమనిక: ఈ రీకాల్ పేర్కొన్న బ్యాచ్‌కు మాత్రమే వర్తిస్తుంది. అన్ని ఎవరెస్ట్ జీలకర్ర పొడి ప్యాకెట్లు లేదా ఇతర ఉత్పత్తులను రీకాల్ చేసినట్లు కాదు.
