నెల్లూరులో రూ.లక్ష కోట్ల BPCL ప్రాజెక్టుకు గ్రీన్ సిగ్నల్

రామాయపట్నం పోర్టు సమీపంలో ఏర్పాటు చేయనున్న BPCL రిఫైనరీ–పెట్రోకెమికల్ కాంప్లెక్స్‌కు పర్యావరణ, తీరప్రాంత నియంత్రణ మండలి (CRZ) అనుమతులు ఇవ్వాలని కేంద్ర పర్యావరణ శాఖ నిపుణుల కమిటీ (EAC) సిఫార్సు చేసింది. సుమారు రూ.లక్ష కోట్ల పెట్టుబడితో 5,200 ఎకరాల్లో ఈ ప్రాజెక్టును చేపట్టనున్నారు. ఏడాదికి 90 లక్షల టన్నుల రిఫైనింగ్ సామర్థ్యంతో రవాణా ఇంధనాలు, పెట్రోకెమికల్స్ ఉత్పత్తి చేయడమే ఈ ప్రాజెక్టు లక్ష్యం. ప్రస్తుతం అనుమతులకు సిఫార్సు చేసిన దశలో ఉండగా, ప్రభుత్వం తుది అనుమతులు జారీ చేయాల్సి ఉంది.