తిరుచానూరు పద్మావతి అమ్మ వారి ఆలయం వద్ద ఏనుగు హాల్ చల్ చేసింది.

దాదాపు 14 ఏళ్లు గా తిరుచానూరు లోని గజశాలలో ఉంటూ అమ్మవారి సేవలో తరిస్తున్న

17 ఏళ్ల వయస్సు ఉన్న శ్రీనిధి అనే ఏనుగు

వాహన మండపం వద్ద మావటి పై దాడి చేసింది. ఏనుగు తొండంతో దాడి చేయడంతో తీవ్రంగా గాయపడ్డ మావాటి చంద్రయ్య ఆసుపత్రి పాలయ్యాడు.

మావాటి చంద్రయ్య ప్రస్తుతం స్విమ్స్ ఆసుపత్రిలో చికిత్స పొందుతున్నాడు.

సాయంత్రం 6 గంటల సమయం లో ఈ ఘటన జరిగింది.

రోజూ మాదిరిగానే తిరుచానూరు లోని గజశాల నుంచి ఆలయం వరకు ఏనుగు తీసుకొచ్చిన ఇద్దరు మావాటీలు ఏనుగు పక్కనే వస్తుండగా ఈ ఘటన జరిగింది.

ముందుగా ఒక మావాటిపై దాడికి ప్రయత్నం చేసిన ఏనుగును

అదుపులో చేసేందుకు ప్రయత్నించిన మరో మావాటి చంద్రయ్యను తొండంతో చుట్టి విసిరి వేసింది.

దీంతో భక్తులు స్థానికులు ఒక్కసారిగా భయాందోళనకు గురి అయ్యారు. మావాటి చంద్రయ్యను కాళ్ల కిందవేసి ఏనుగు తొక్కినట్లు భక్తులు గుర్తించారు.