హైదరాబాద్‌లో 36 గంటల పాటు నీటి సరఫరా బంద్.. మీ ప్రాంతం ఉందో లేదో చూసుకోండి!
హైదరాబాద్‌లోని పలు ప్రాంతాల్లో అక్టోబర్ 5, సోమవారం ఉదయం 6 గంటల నుంచి అక్టోబర్ 6, మంగళవారం సాయంత్రం 6 గంటల వరకు తాగునీటి సరఫరా నిలిచిపోనుంది. ఈ 36 గంటల పాటు కొన్ని ప్రాంతాల్లో నీటి సరఫరా పూర్తిగా లేదా పాక్షికంగా నిలిచిపోవడంతో పాటు, మరికొన్ని చోట్ల తక్కువ ఒత్తిడితో నీరు అందుతుంది.
కృష్ణా డ్రింకింగ్ వాటర్ సప్లై ప్రాజెక్టు (KDWSP) ఫేజ్–IIలో నాసర్లపల్లి నుంచి గోడకొండ్ల వరకు ఉన్న 2,375 ఎంఎం వ్యాసం గల ఎంఎస్ పంపింగ్ మెయిన్‌పై జలమండలి మరమ్మతులు చేపడుతోంది. దెబ్బతిన్న ఎంఎస్ ఎయిర్ టీస్, వాల్వులను మార్చడం మరియు స్కవర్ పైప్‌లైన్ లీకేజీని అరికట్టడం ఈ పనుల ఉద్దేశ్యం.
ఆదిబట్ల, కమ్మగూడ, గుర్రంగూడ, బీఎన్ రెడ్డి నగర్, వనస్థలిపురం, ఆటోనగర్, అల్కాపురి, బీరప్పగడ్డ.
హబ్సిగూడ, రామంతాపూర్, వెంకట్‌రెడ్డి నగర్, ఉప్పల్, నాచారం, హెచ్‌ఎంటీ నగర్, తార్నాక, బౌద్ధనగర్, లాలాపేట్ (పాక్షికం).
హస్మత్‌పేట్, ప్రకాశ్‌నగర్, మేకలమండి, భోలక్‌పూర్ (పాక్షికం), పద్మారావునగర్, బేగంపేట్.
సౌత్ సెంట్రల్ రైల్వే, ఎంఈఎస్, సికింద్రాబాద్ కంటోన్మెంట్, లాలాగూడ, అడ్డగుట్ట, పట్టిగడ్డ, నల్లగుట్ట.
గౌతమ్‌నగర్, ఫిరోజ్‌గూడ, బన్సీలాల్‌పేట్, రాంగోపాల్‌పేట్, సీతాఫల్‌మండి, మెట్టుగూడ.
వైశాలీనగర్, మీర్‌పేట్, బడంగ్‌పేట్, ఏఆర్‌సీఐ, బాలాపూర్, మైసారం, బార్కాస్, ఎన్‌పీఏ.
శంషాబాద్, మధుబన్, ప్రశాసన్‌నగర్ (పాక్షికం).
ఈ ప్రాంతాల ప్రజలు ముందుగానే నీటిని నిల్వ చేసుకోవాలని, మరమ్మతుల సమయంలో నీటిని పొదుపుగా వాడుకోవాలని జలమండలి సూచించింది.
