యువజన కాంగ్రెస్‌లో భారీ చేరికలు
కండువాలు కప్పి పార్టీలోకి ఆహ్వానించిన యువజన కాంగ్రెస్ రాష్ట్ర అధ్యక్షులు జక్కిడి శివ చరణ్ రెడ్డి గారు
కాంగ్రెస్ పార్టీ నాయకులు పోచబోయిన వినోద్ యాదవ్ గారి ఆధ్వర్యంలో పలువురు యువకులు యువజన కాంగ్రెస్‌లో చేరారు.
ఈ సందర్భంగా యువజన కాంగ్రెస్ రాష్ట్ర అధ్యక్షులు జక్కిడి శివ చరణ్ రెడ్డి గారు యువజన కాంగ్రెస్ లో చేరిన వారికి పార్టీ కండువాలు కప్పి సాదరంగా పార్టీలోకి ఆహ్వానించారు.
యువజన కాంగ్రెస్ రాష్ట్ర అధ్యక్షులు జక్కిడి శివ చరణ్ రెడ్డి గారు మాట్లాడుతూ.. కాంగ్రెస్ పార్టీలో యువజన కాంగ్రెస్ కీలకంగా పనిచేస్తుందని తెలిపారు. యువజన కాంగ్రెస్‌లో పనిచేసిన అనేక మంది నాయకులు నేడు వివిధ స్థాయిల్లో ఉన్నత పదవుల్లో కొనసాగుతున్నారని పేర్కొన్నారు.
కాంగ్రెస్‌లో చేరిన నాయకులు, కార్యకర్తలు పార్టీ సిద్ధాంతాలకు కట్టుబడి పనిచేస్తూ యువజన కాంగ్రెస్‌ను మరింత బలోపేతం చేయడానికి కృషి చేయాలని ఆయన కోరారు.
రాబోయే ఎమ్మెల్సీ ఎన్నికలను దృష్టిలో ఉంచుకుని యువజన కాంగ్రెస్ శ్రేణులు ఓటరు నమోదు కార్యక్రమంలో చురుగ్గా పాల్గొని, అర్హులైన పట్టభద్రుల ఓటర్లను పెద్ద సంఖ్యలో నమోదు చేయించాలని పిలుపునిచ్చారు.
