తిరుమల భక్తులకు అలర్ట్: అక్టోబర్ 5న వీఐపీ బ్రేక్ దర్శనాలు రద్దు

తిరుమలలో భక్తుల రద్దీ దృష్ట్యా అక్టోబర్ 5, సోమవారం రోజున వీఐపీ బ్రేక్ దర్శనాలను టీటీడీ రద్దు చేసింది. ప్రోటోకాల్ వీఐపీలకు మాత్రమే మినహాయింపు ఉంటుంది. అక్టోబర్ 4, ఆదివారం నాడు బ్రేక్ దర్శనం కోసం సిఫార్సు లేఖలను స్వీకరించరు. ప్రస్తుతం వైకుంఠం క్యూ కాంప్లెక్స్‌లోని కంపార్ట్‌మెంట్లు నిండిపోయి, భక్తులు బయట క్యూలైన్లలో వేచి ఉన్నారు. టోకెన్ లేని భక్తులకు సర్వదర్శనానికి సుమారు 30 గంటల సమయం పడుతోంది. సిఫార్సు లేఖలతో ప్రయాణానికి సిద్ధమైన భక్తులు ఈ మార్పులను గమనించి, దర్శనం, వసతి ఏర్పాట్లను సరిచూసుకుని ప్రయాణం ప్లాన్ చేసుకోవాలని టీటీడీ సూచించింది.