పసిడి మార్కెట్‌లో లక్షల కోట్ల సంపద ఆవిరి!

గ్లోబల్ బులియన్ మార్కెట్లలో భారీ పతనం నమోదైంది. పసిడి ఏకంగా 3,900 డాలర్ల దిగువకు పడిపోయింది.

ఈ భారీ కుదుపుతో బంగారం మార్కెట్‌లో 1 ట్రిలియన్ డాలర్లు, వెండి మార్కెట్‌లో 135 బిలియన్ డాలర్ల మేర సంపద హరించుకుపోయింది.

హైదరాబాద్ మార్కెట్లో 24 క్యారెట్ల 10 గ్రాముల పసిడి ధర రూ.1,39,800కి, 22 క్యారెట్ల ధర రూ.1,28,150కి పడిపోయింది.

నవంబర్ 5 నాటి పండుగ గరిష్ట ధరలతో పోలిస్తే 24 క్యారెట్ల బంగారంపై రూ.6,220 తగ్గింది.

అమెరికాలో ద్రవ్యోల్బణం పెరగడం, డిసెంబర్‌లో ఫెడరల్ రిజర్వ్ వడ్డీ రేట్లు పెంచుతుందన్న అంచనాలతో ఇన్వెస్టర్లు బంగారం నుంచి పెట్టుబడులు వెనక్కి తీసుకుంటున్నారు.

అమెరికా డాలర్ బలపడటం, ట్రెజరీ బాండ్ల ఈల్డ్ పెరగడం ఈ పతనానికి ప్రధాన కారణం.

రానున్న రోజుల్లో రూపాయి-డాలర్ మారకం విలువ, స్థానిక పన్నుల ఆధారంగా మన దేశంలో ధరల్లో మార్పులు ఉండవచ్చు.