రైలులో యువతిపై వేధింపులు.. కిందకు తోసేయడంతో చక్రాల కింద పడి ఎడమ చేయి కోల్పోయిన యువతి!

ముంబైలో దారుణ ఘటన చోటుచేసుకుంది.

రద్దీగా ఉన్న దివ్యాంగుల కోచ్‌లో బాధితురాలిపై ఒక వ్యక్తి అసభ్యంగా ప్రవర్తించినట్లు ఆరోపణలు వచ్చాయి.

ఇద్దరి మధ్య వాగ్వాదం జరగడంతో ఆమెను రైలు నుంచి కిందకు తోసేశారు.

ఆమె ప్లాట్‌ఫామ్‌పైకి ఎక్కేందుకు ప్రయత్నిస్తుండగా రైలు కదలడంతో ఎడమ చేయి చక్రాల కింద పడి నుజ్జునుజ్జయింది.

తలకు గాయాలవడంతో ఆసుపత్రికి తరలించారు.

సీసీటీవీ ఫుటేజ్ ఆధారంగా నిందితుడిని రైల్వే పోలీసులు అదుపులోకి తీసుకున్నారు.

బాధితురాలు ఆసుపత్రిలో చికిత్స పొందుతున్నారు.