తెలంగాణలో భారీగా ఐపీఎస్‌ల బదిలీలు.. హైదరాబాద్ కొత్త పోలీస్ కమిషనర్‌గా మహేశ్ మురళీధర్ భగవత్!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
తెలంగాణ ప్రభుత్వం పోలీస్ శాఖలో భారీ స్థాయిలో బదిలీలు చేపట్టింది. మొత్తం 21 మంది ఐపీఎస్ అధికారుల బదిలీలు, నియామకాలకు సంబంధించి గురువారం జీవో నంబర్ 1654 జారీ చేసింది.
హైదరాబాద్ పోలీస్ కమిషనర్‌గా మహేశ్ మురళీధర్ భగవత్‌ను నియమించగా, ప్రస్తుత సీపీ వీసీ సజ్జనార్‌ను ఫైర్ సర్వీసెస్ డీజీగా బదిలీ చేసింది. జైళ్ల శాఖ డీజీగా స్వాతి లక్రా, షీ టీమ్స్, భరోసా విభాగాల డీజీగా సౌమ్య మిశ్రా, ఏసీబీ డీజీగా చారు సిన్హా నియమితులయ్యారు.
టీజీఎస్ఆర్టీసీ వైస్ చైర్మన్, ఎండీగా అనిల్ కుమార్‌ను నియమించగా, వై.నాగిరెడ్డిని పౌరసరఫరాల కమిషనర్‌గా బదిలీ చేశారు. సీహెచ్ చంద్రశేఖర్ రెడ్డికి ఏసీబీ డైరెక్టర్‌గా, కార్తికేయకు మల్టీజోన్-1 ఐజీగా బాధ్యతలు అప్పగించారు.
