🔥 పులివెందులలో పోలింగ్ వేళ పెట్రోల్ బాంబులు.. ఎర్రిపల్లిలో భారీ మంటలు, తీవ్ర ఉద్రిక్తత

కడప జిల్లా పులివెందుల నియోజకవర్గంలోని ఎర్రిపల్లిలో MPTC, ZPTC పోలింగ్ సందర్భంగా ఉద్రిక్తత చోటుచేసుకుంది.

పోలింగ్ కేంద్రం వద్ద టీడీపీ, వైసీపీ వర్గాల మధ్య వాగ్వాదం ఘర్షణకు దారితీయగా, పెట్రోల్ బాంబులు, రాళ్లు విసిరినట్లు సమాచారం. దీంతో అక్కడ ఒక్కసారిగా భారీ మంటలు చెలరేగి పరిస్థితి ఉద్రిక్తంగా మారింది.

వెంటనే రంగంలోకి దిగిన పోలీసులు ఇరు వర్గాలను చెదరగొట్టి, పోలింగ్ కేంద్రం వద్ద అదనపు బలగాలను మోహరించారు.

పెట్రోల్ బాంబులు ఎవరు విసిరారన్న అంశంపై పూర్తి అధికారిక స్పష్టత రావాల్సి ఉంది.