అమెరికా ఫ్రిస్కోలో దీపావళి టపాసులపై నిషేధం, నిబంధనలు మీరితే భారీ జరిమానా

అమెరికాలోని టెక్సాస్ రాష్ట్రం తెలుగువారు అత్యధికంగా ఉండే ఫ్రిస్కో నగరంలో దీపావళి వేడుకలపై కఠిన ఆంక్షలు అమలు .

ఫ్రిస్కో మున్సిపల్ కోడ్ సెక్షన్ 38-56 ప్రకారం సిటీ పరిధిలో టపాసులు కాల్చడం, నిల్వ ఉంచడం పూర్తిగా చట్టవిరుద్ధం.

నిబంధనలు మీరి సొంతంగా బాణసంచా కాల్చిన వారికి గరిష్టంగా 2 వేల డాలర్ల వరకు జరిమానా .

నగర పరిమితులతో పాటు సరిహద్దుల నుంచి 5 వేల అడుగుల అవతల ఉన్న ప్రాంతాలకు కూడా ఈ నిషేధం వర్తిస్తుంది.

స్పార్క్లర్లు, ఫౌంటెన్లు, ఫైర్ క్రాకర్స్, రాకెట్లు ఇలా ఎలాంటి టపాసులు వెలిగించినా భారీ మూల్యం చెల్లించుకోక తప్పదు.

ఉల్లంఘన కొనసాగే ప్రతి రోజును ప్రత్యేక నేరంగా పరిగణించి పదే పదే ఫైన్ వడ్డిస్తామని పోలీసులు హెచ్చరించారు.