🌴 కాన్వాయ్ ఆపి కొబ్బరి తోటలోకి సీఎం చంద్రబాబు.. రైతుతో మాట్లాడి నష్టం పరిశీలన

తుఫాన్ ప్రభావిత ప్రాంతాల పర్యటనలో భాగంగా నర్సాపురం నుంచి మాట్రేవు వెళ్తున్న సీఎం చంద్రబాబు, మార్గమధ్యంలో దెబ్బతిన్న కొబ్బరి తోటను చూసి కాన్వాయ్ ఆపించారు. కారులో నుంచి దిగి తోటలోకి వెళ్లి పంట నష్టాన్ని పరిశీలించి రైతుతో మాట్లాడారు.

“తుఫాన్ బాధితుల కష్టం తెలుసు.. ప్రభుత్వం అండగా ఉంటుంది” అని రైతులకు భరోసా ఇచ్చిన సీఎం, పంట బీమా ద్వారా రైతులకు రక్షణ కల్పించే చర్యలు తీసుకుంటున్నట్లు తెలిపారు.

తుఫాన్ ప్రభావిత ప్రాంతాల్లో ఇది చంద్రబాబు రెండో రోజు పర్యటన. నరసాపురం, మొగల్తూరు ప్రాంతాల్లో నీటమునిగిన పంట పొలాలు, దెబ్బతిన్న తోటలను పరిశీలిస్తూ బాధిత రైతులతో మాట్లాడారు.