దుబాయ్‌లో చిక్కుకున్న తెలంగాణ కార్మికుడికి ఊరట.. సీఎం ప్రజావాణి చొరవతో స్వదేశానికి.
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
నిజామాబాద్ జిల్లా నవీపేట్ మండలం బినోలా గ్రామానికి చెందిన బుద్ల పెంటాజీ ఉపాధి కోసం దుబాయ్ వెళ్లి, అనారోగ్య సమస్యలు మరియు ఆర్థిక ఇబ్బందులతో స్వదేశానికి తిరిగి రాలేని పరిస్థితిలో చిక్కుకున్నారు.
ఈ నేపథ్యంలో ఆయన భార్య బుద్ల పుష్ప అక్టోబర్ 9న సీఎం ప్రజావాణిని ఆశ్రయించి, తన భర్తను స్వదేశానికి తీసుకురావాలని విజ్ఞప్తి చేశారు.
ఫిర్యాదుపై సీఎం ప్రజావాణి స్టేట్ ఇన్‌చార్జ్, రాష్ట్ర ప్రణాళికా సంఘం వైస్ చైర్‌పర్సన్ గద్వాల్ విజయలక్ష్మి చొరవ తీసుకుని తెలంగాణ NRI విభాగం, దుబాయ్‌లోని భారత కాన్సులేట్‌తో సమన్వయం చేశారు.
అధికారుల సహకారంతో పెంటాజీ అక్టోబర్ 23న సురక్షితంగా హైదరాబాద్ చేరుకున్నారు.
తన భర్తను స్వదేశానికి తీసుకురావడంలో సహకరించిన ముఖ్యమంత్రి ఎ. రేవంత్ రెడ్డి, గద్వాల్ విజయలక్ష్మి, NRI విభాగం, భారత కాన్సులేట్ అధికారులకు పుష్ప, పెంటాజీ కృతజ్ఞతలు తెలిపారు.
