బండ్లగూడలో సాఫ్ట్‌వేర్ ఉద్యోగి అనుమానాస్పద మృతి

రాజేంద్రనగర్ పరిధిలోని బండ్లగూడలో సాఫ్ట్‌వేర్ ఉద్యోగి శ్రీ వాస్తవ్ అనుమానాస్పద స్థితిలో మృతిచెందాడు. స్నేహితుల వద్దకు వెళ్లి వస్తానని చెప్పిన శ్రీ వాస్తవ్.. మరుసటి రోజు ఉదయం ఇంటికి తిరిగి వచ్చి నిద్రపోయాడు. సాయంత్రం అక్క, బావ నిద్రలేపేందుకు ప్రయత్నించగా స్పందించకపోవడంతో ఆసుపత్రికి తరలించారు. అప్పటికే అతడు మృతి చెందినట్లు వైద్యులు నిర్ధారించడంతో రాజేంద్రనగర్ పోలీసులు కేసు నమోదు చేసి దర్యాప్తు చేస్తున్నారు.