స్పెయిన్‌లో హైస్పీడ్ రైలులో భారీ అగ్నిప్రమాదం – నింగిని కమ్మేసిన దట్టమైన నల్లటి పొగ

మాడ్రిడ్ నుంచి ఫిగ్యురెస్ వెళ్తున్న రెన్ఫె (Renfe) హైస్పీడ్ రైలులో జరగోజా సమీపంలో మంటలు చెలరేగాయి.

రైలు వెనుక భాగంలోని లోకోమోటివ్‌లో మొదలైన మంటలతో ఆకాశంలోకి భారీ నల్లటి పొగ ఎగసిపడింది.

ప్రమాద సమయంలో రైలులో ఉన్న మొత్తం 283 మంది ప్రయాణికులను అధికారులు సురక్షితంగా తరలించారు. అగ్నిమాపక సిబ్బంది మంటలను అదుపు చేసేందుకు తీవ్రంగా శ్రమించారు.

ఈ ఘటనతో మాడ్రిడ్–బార్సిలోనా హైస్పీడ్ రైలు మార్గంలో రెండు వైపులా రాకపోకలు నాలుగు గంటలకు పైగా నిలిచిపోయాయి.

దాదాపు 20,000 మంది ప్రయాణికులు ఈ అంతరాయం వల్ల ఇబ్బందులు ఎదుర్కొన్నారు.