క్యాబ్ త్వరగా రావాలంటే అదనపు డబ్బులా?.. ఓలా, ర్యాపిడోకు రూ.10 లక్షల చొప్పున జరిమానా!

క్యాబ్ బుకింగ్ సమయంలో రైడ్‌ను డ్రైవర్ అంగీకరించకముందే అదనపు టిప్ చెల్లించేలా ప్రయాణికులను ప్రోత్సహిస్తున్నందుకు కేంద్ర వినియోగదారుల పరిరక్షణ సంస్థ (CCPA) ఓలాపై రూ.10 లక్షల జరిమానా విధించింది.

బెంగళూరులో అదనపు డబ్బులు చెల్లించిన రైడ్లలో కేవలం 40% మాత్రమే డ్రైవర్లు అంగీకరించగా, అదనపు చెల్లింపులు లేని రైడ్లలో 68% అంగీకరించినట్లు గుర్తించింది.

ఈ ఫీచర్‌ను తొలగించాలని ఓలాను ఆదేశించిన CCPA, ర్యాపిడోకు కూడా రూ.10 లక్షల జరిమానా విధించింది. ఉబర్, నమ్మ యాత్రిపై విచారణ కొనసాగుతోంది.

టిప్ ఇవ్వడం ప్రయాణికుల ఇష్టమని, రైడ్ పూర్తయిన తర్వాతే స్వచ్ఛందంగా చెల్లించే అవకాశం ఉండాలని CCPA స్పష్టం చేసింది.