వివాహేతర సంబంధం బయటపడుతుందనే భయంతో మైనర్ హత్య

ఖమ్మం జిల్లా కల్లూరు మండలంలో వివాహిత, 15 ఏళ్ల మైనర్ బాలుడి వివాహేతర సంబంధం బయటపడుతుందనే భయంతో హత్య జరిగింది. బోనకల్లుకు చెందిన అపర్ణ అనే వివాహిత, పదో తరగతి చదువుతున్న బాధితుడితో చనువుగా ఉండటాన్ని స్నేహితుడైన మరో బాలుడు చూశాడు. విషయం బయటపడుతుందనే ఆందోళనతో అక్టోబరు 21న పురుగుల మందు కలిపిన కూల్ డ్రింక్ బాధితుడికి తాగించారు. మొదట ఖమ్మం ప్రభుత్వ ఆసుపత్రికి తరలించగా.. అక్కడి నుంచి వరంగల్ ఆసుపత్రికి మార్చారు. ఆదివారం వరంగల్ ఆసుపత్రిలో చికిత్స పొందుతూ బాధితుడు మృతి చెందాడు. బాధితుడి మేనత్త ఫిర్యాదు మేరకు పోలీసులు నిందితుడైన మైనర్ బాలుడిని వరంగల్ బాలల జైలుకు, వివాహితను సత్తుపల్లి జైలుకు రిమాండ్ కు తరలించారు.

చదువుకోవాల్సిన వయసులో అనూహ్యంగా మృత్యువాత పడటంతో కుటుంబ సభ్యులు కన్నీరుమున్నీరవుతున్నారు.