ఎయిడ్స్ HIV కి వ్యాక్సిన్ కనిపెట్టిన Dr Reddy's
ఏడాదికి రూ.3,500తో హెచ్ఐవీ నుంచి రక్షణ.. హైదరాబాద్ కంపెనీ సంచలన విజయం!
హెచ్ఐవీ అంటే ఇకపై ప్రతిరోజూ మాత్రలు వేసుకోవాల్సిన అవసరం లేకుండా చేసే రోజులు రాబోతున్నాయా? హైదరాబాద్‌కు చెందిన డాక్టర్ రెడ్డీస్ ల్యాబొరేటరీస్ తీసుకొచ్చిన కొత్త జనరిక్ ఇంజెక్షన్ ఇప్పుడు ప్రపంచవ్యాప్తంగా చర్చనీయాంశంగా మారింది.
హెచ్ఐవీ రాకుండా ముందస్తు రక్షణ కల్పించే ఈ ఇంజెక్షన్‌ను ఏడాదికి కేవలం రెండుసార్లు తీసుకుంటే సరిపోతుంది. దీనికి సంబంధించిన జనరిక్ వెర్షన్‌కు అమెరికా FDA నుంచి టెంటేటివ్ ఆమోదం కూడా లభించింది.
అసలు ఆసక్తికరమైన విషయం ధరే! అమెరికాలో ఇదే మందు బ్రాండెడ్ వెర్షన్ ఏడాదికి దాదాపు రూ.23 లక్షలు ఖర్చవుతుంటే.. డాక్టర్ రెడ్డీస్ జనరిక్ వెర్షన్‌ను పేద, మధ్య ఆదాయ దేశాల్లో ఏడాదికి కేవలం రూ.3,500కే అందించాలనే లక్ష్యంతో ఉంది.
భారత్‌తో పాటు 120 దేశాలకు ఈ మందును అందించే ప్రణాళిక ఉంది. అయితే ఇది వెంటనే మెడికల్ షాపుల్లో దొరకదు. 2026 చివరి నాటికి కొన్ని దేశాల్లో సరఫరా ప్రారంభించి, 2027లో విస్తృతంగా అందుబాటులోకి తీసుకురావాలని లక్ష్యంగా పెట్టుకున్నారు.
ఒక్క మాటలో చెప్పాలంటే.. ఖరీదైన హెచ్ఐవీ నివారణ చికిత్సను సామాన్యులకు అందుబాటులోకి తీసుకురావడంలో హైదరాబాద్ కంపెనీ ప్రపంచానికి కొత్త ఆశ చూపిస్తోంది!
