🐘💔 నిలబడలేక ప్రాణాలతో పోరాడుతున్న ‘మాయ’.. ప్రత్యేక విమానంలో వంటారాకు తరలింపు

కేరళలోని అభయారణ్యం ఎలిఫెంట్ సెంటర్‌కు చెందిన 18 నెలల ఏనుగు పిల్ల ‘మాయ’ ప్రాణాలతో పోరాడుతోంది.

కొన్ని నెలల క్రితం ప్రమాదవశాత్తు కిందపడిన తర్వాత మాయ తన కాళ్లపై నిలబడలేని స్థితికి చేరింది. నెలల తరబడి అటవీశాఖ అధికారులు, వైద్యులు చికిత్స అందించినా పరిస్థితి మెరుగుపడకపోవడంతో మరింత ప్రత్యేక వైద్యం అందించాలని నిర్ణయించారు.

దీంతో మాయను కొచ్చి నుంచి జామ్‌నగర్‌లోని వంటారాకు ప్రత్యేక విమానంలో తరలించారు. ప్రయాణం మొత్తం వైద్యుల పర్యవేక్షణలోనే కొనసాగుతోంది.

వంటారాలో 24 గంటల ప్రత్యేక వైద్య సంరక్షణ అందించనున్నారు.