🚨 గచ్చిబౌలి హోటల్ గదిలో అమెరికా పౌరుడు మృతి.. వ్యాపార పనులపై హైదరాబాద్‌కు వచ్చి విషాదాంతం

హైదరాబాద్ గచ్చిబౌలిలోని SLN టెర్మినస్ Marriott Executive Apartmentsలో అమెరికాకు చెందిన మిచెల్ బ్రియాన్ లీ (41) అనుమానాస్పద స్థితిలో మృతి చెందారు.

కాలిఫోర్నియాకు చెందిన మిచెల్ తన వ్యాపార భాగస్వామి డేవిడ్ వూతో కలిసి నవంబర్ 2న హైదరాబాద్‌కు వచ్చి, 12వ అంతస్తులోని గదిలో బస చేస్తున్నారు.

నవంబర్ 4 సాయంత్రం నుంచి ఫోన్ కాల్స్‌కు స్పందించకపోవడంతో అనుమానం వచ్చిన హోటల్ సిబ్బంది గది తెరిచి చూడగా మంచంపై అపస్మారక స్థితిలో కనిపించారు. 108 సిబ్బంది పరీక్షించి అప్పటికే మృతి చెందినట్లు నిర్ధారించారు.

గచ్చిబౌలి పోలీసులు కేసు నమోదు చేసి దర్యాప్తు చేపట్టారు. మృతికి అసలు కారణం పోస్టుమార్టం నివేదిక తర్వాతే తేలనుంది.