🥛🚨 మీ ఇంటికి వచ్చే పాలేనా?.. హైడ్రోజన్ పెరాక్సైడ్‌తో కల్తీ పాలు.. హైదరాబాద్‌లో కలకలం!

రంగారెడ్డి జిల్లా ఇబ్రహీంపట్నం మండలం పోచారం గ్రామంలో కల్తీ పాల తయారీ కేంద్రాన్ని Future City Police మహేశ్వరం SOT బృందం పట్టుకుంది.

పాల వ్యాపారి అండే శ్రీశైలం (43) పాలలో హైడ్రోజన్ పెరాక్సైడ్, పాలపొడి కలిపి హైదరాబాద్‌లోని వినియోగదారులకు సరఫరా చేస్తున్నట్లు పోలీసులు తెలిపారు.

దాడిలో 100 లీటర్ల అనుమానిత కల్తీ పాలు, ఒక లీటరు హైడ్రోజన్ పెరాక్సైడ్, 35 కిలోల పాలపొడి స్వాధీనం చేసుకున్నారు.

శ్రీశైలాన్ని అదుపులోకి తీసుకుని ఇబ్రహీంపట్నం పోలీసులకు అప్పగించారు. ఈ పాలు ఎక్కడెక్కడ సరఫరా అయ్యాయి? ఇంకా ఎవరి ప్రమేయం ఉంది? అనే కోణంలో దర్యాప్తు కొనసాగుతోంది.