🚨 ఒక్కొక్కరిని ఇంటికి పిలిచి హత్య?.. బెంగళూరులో 7 మంది కుటుంబ సభ్యుల మర్డర్ కేసు కలకలం

బెంగళూరులో సంచలన ఘటన వెలుగులోకి వచ్చింది. క్యాబ్ డ్రైవర్ శేఖర్ అలియాస్ ఇందుశేఖర్, భార్యతో పాటు ఆమె కుటుంబానికి చెందిన మొత్తం ఏడుగురిని హత్య చేసినట్లు పోలీసుల విచారణలో చెప్పినట్టు సమాచారం.

కుటుంబ కలహాల నేపథ్యంలో ముందుగా భార్యను హత్య చేసి, ఆ తర్వాత మిగతా వారిని ఒక్కొక్కరిని ఇంటికి పిలిపించి హతమార్చినట్లు పోలీసులు అనుమానిస్తున్నారు. మృతుల్లో ఏడేళ్ల బాలుడు కూడా ఉన్నాడు.

మృతదేహాలను కారులో తీసుకెళ్లి నంది హిల్స్ పరిసరాల్లో వేర్వేరు ప్రాంతాల్లో పడేసినట్లు అనుమానం. ఇప్పటివరకు ఏడేళ్ల బాలుడి మృతదేహాన్ని పోలీసులు గుర్తించగా, మిగతా వారి కోసం గాలింపు కొనసాగుతోంది.

ఓ మహిళ మిస్సింగ్ కేసు దర్యాప్తులో భాగంగా ఇందుశేఖర్‌ను ప్రశ్నించగా ఈ వ్యవహారం బయటపడింది. అతడి వాంగ్మూలాన్ని పోలీసులు పూర్తిగా నిర్ధారించే పనిలో ఉన్నారు.