నటి మమిత అసలు పేరు నమిత.. బర్త్ సర్టిఫికెట్ పొరపాటుతో ఆ పేరు స్థిరపడిపోయింది!

నటి మమిత అసలు పేరు నమిత. బర్త్ సర్టిఫికెట్‌లో పొరపాటున మమిత అని టైప్ చేయడం వల్ల ఆ పేరు స్థిరపడిపోయింది.

నాలుగైదేళ్ల వరకు ఆ తప్పును ఎవరూ గమనించలేదు. చివరికి స్కూల్లో చేర్పించేటప్పుడు ఆ తప్పును చూసి ఆమె తల్లిదండ్రులు షాక్ అయ్యారు.

అప్పటికే చాలా ఏళ్లు గడిచిపోవడంతో, ఆ పేరు ఇష్టం లేకున్నా చేసేదేమీ లేక ఆమె తల్లిదండ్రులు ఆ పేరునే కొనసాగించారు. అలా ఆమె పేరు నమిత నుంచి మమితగా మారిపోయింది.

ప్రస్తుతం ఆమె తమిళంలో ‘ఇరందు వానమ్‌’, మలయాళంలో ‘హలో డియర్‌’ చిత్రాల్లో నటిస్తున్నారు.