🔥 ‘నాది కానిదానికోసం ఆశపడే నీచత్వం నాది కాదు’.. యలహంక ఇంటి వివాదంపై వైఎస్ షర్మిల సంచలన ట్వీట్

తన కుమార్తె వైఎస్ అంజిలి రెడ్డి వివాహ వేదిక అంశంపై వైఎస్ షర్మిల స్పందించారు.

జగన్ మోహన్ రెడ్డి ముఖ్యమంత్రి అయిన తర్వాత జరిగిన కుటుంబ ఆస్తుల పంపకాల్లో యలహంక ప్రాపర్టీ 100 శాతం తనకు, తన పిల్లల భాగానికి వచ్చిందని షర్మిల పేర్కొన్నారు. గతంలోనూ యలహంక ప్రాపర్టీ తన వాటాలో భాగమని ఆమె బహిరంగంగా వెల్లడించారు.

తన తండ్రి వైఎస్సార్ తిరిగిన ఇల్లు కావడంతో, కుమార్తె కోరిక మేరకు అక్కడే వివాహం చేయాలని భావించినప్పటికీ, ప్రస్తుతం జరుగుతున్న పరిణామాల నేపథ్యంలో వివాహ వేదికను మార్చాలని నిర్ణయించినట్లు తెలిపారు.

వైఎస్ అంజిలి రెడ్డి–సోమల రఘురామ్ రెడ్డి వివాహాన్ని మరో ప్రదేశంలో బంధుమిత్రులు, ఆత్మీయుల సమక్షంలో నిర్వహించనున్నట్లు షర్మిల వెల్లడించారు. అంజిలి రెడ్డి వివాహం నవంబర్ 25న జరగనున్నట్లు ఇప్పటికే ప్రకటించారు.