NH-16పై వరద బీభత్సం.. 10 కిలోమీటర్ల మేర ట్రాఫిక్ జామ్!

శ్రీకాకుళం జిల్లాలో బాహుదా నది ఉధృతితో ఇచ్చాపురం వద్ద NH-16పైకి వరదనీరు చేరడంతో రాకపోకలు తీవ్రంగా నిలిచిపోయాయి.

హైవేపై ఎక్కడికక్కడ వాహనాలు నిలిచిపోవడంతో దాదాపు 10 కిలోమీటర్ల మేర భారీ ట్రాఫిక్ జామ్ ఏర్పడింది.

పరిస్థితి తీవ్రంగా ఉండటంతో నరసన్నపేట, టెక్కలి, పలాస ప్రాంతాల్లోనే వాహనాలను అధికారులు నిలిపివేస్తున్నారు. నరసన్నపేట వద్ద భారీ సంఖ్యలో వాహనాలు నిలిచిపోయాయి.

ప్రస్తుతం ఇచ్చాపురం వైపు వెళ్లేందుకు వీల్లేని పరిస్థితి ఉండటంతో, వరద ఉధృతి తగ్గే వరకు వాహనదారులు అప్రమత్తంగా ఉండాలని అధికారులు సూచిస్తున్నారు.